ازاي تستخدم محفظة ويلت

 الخطوة 1 : روح على لوحة تحكم متجرك واضغط على "المحفظة"، هتتحول لصفحة المحفظة

في صفحة المحفظة، تقدر تعمل الحاجات دي:

• "إعدادات المحفظة" (تشمل طرق الدفع ومعلومات السحب)
• "إضافة رصيد" لمحفظتك
• "سحب" الرصيد من المحفظة لحسابك البنكي
• "الدفع عند الإستلام المعلق" تشوف تفاصيل مبلغ الدفع عند الإستلام للطلبات اللي اتسلمت.
• تشوف "رصيد المحفظة"
• تشوف "تاريخ المعاملات" لكل العمليات اللي تمت في المحفظة.

        تسهيلًا عليك، هنشرح كل حاجة لوحدها:

"إعدادات المحفظة" (بما فيها بطاقات الدفع المحفوظة ومعلومات السحب):

اضغط على "إعدادات المحفظة" على الشمال فوق،

هيطلع لك إشعار فيه الحاجات دي:

• طريقة الدفع (طرق الدفع المحفوظة اللي استخدمتها في إضافة الرصيد)
• إضافة/تعديل إعدادات السحب (لو كنت مدخل بيانات السحب تقدر تعدلها هنا، ولو ما كنتش مدخلها، تقدر تضيفها هنا).

"إضافة رصيد" للمحفظة: فيه طريقتين لإضافة رصيد، من خلال بطاقات الدفع أو إنستاباي. هنشرح إزاي تضيف  رصيد لمحفظتك بنجاح:

 "بطاقة الدفع":

• • اضغط على زر "إضافة رصيد".

هيطلع إشعار، بطاقة الدفع مختارة مسبقًا. املأ البيانات المطلوبة (المبلغ - الاسم على البطاقة البنكية- رقم البطاقة البنكية - تاريخ الانتهاء - CVC). ممكن تختار حفظ البطاقة للاستخدام في المستقبل أو ما تحفظهاش.

ملحوظة: لو البنك بتاعك مفعل خدمة 3D Secure، هتتحول لصفحة تدخل فيها OTP، وبعدها هتتحول لصفحة تأكيد العملية. لو الـ 3D Secure مش مفعل، العملية هتتم تلقائيًا، وهتتحول لصفحة تأكيد العملية. مبلغ الإضافة هيظهرتلقائيًا في رصيد محفظتك.

إضافة رصيد لمحفظتك عن طريق إنستاباي:

• اضغط على زر "إضافة رصيد". هيطلع إشعار بخيارات الدفع، اختار إنستاباي، ودخّل البيانات المطلوبة (المبلغ - ارفع صورة التحويل بتأكيد العملية - وعنوان الحساب الخاص بإنستاباي).

ملحوظة: لازم تكون صورة التحويل من المعاملات السابقة عشان يبان بياناتك في صورة التحويل

هتلاقي تفاصيل البنك بتاعنا موجودة في الإشعار لسهولة التحويل.

بعد ما تضغط "إضافة رصيد"، طلبك هيتم مراجعته ومعالجته من فريق المحاسبة في ويلت خلال 24 ساعة.

• لما الطلب يتوافق عليه، الرصيد هيظهر في محفظتك.

طلب "سحب" الرصيد:

 ملحوظة: عشان تبدأ طلب سحب، لازم تكون مدخل كل بياناتك صح في قسم معلومات السحب. بالضغط على "إعدادات المحفظة" في💡 صفحة المحفظة على الشمال فوق. لو إعدادات السحب مش مفعلة أو مش صح، زرار "السحب" هيكون معطل ومش هتقدر تبدأ طلب سحب زي ما باين في الصورة اللي تحت.

لو بيانات السحب موجودة،اعمل الخطوات دي:

• اضغط على "سحب".
• هيطلع إشعار يعرض رصيد محفظتك الحالي ومكان تدخل فيه المبلغ اللي عايز تسحبه.
• تحتها هتلاقي تفاصيل البنك بتاعتك.

• بعد ما تتأكد من كل البيانات، اضغط "طلب".
• هيطلع إشعار تأكيد إن طلبك اتقدم بنجاح وتحت المراجعة من فريق المحاسبة.
  
  
  ملحوظة: ده نظام دورة سحب الرصيد :

• أوقات السحب: طلبات السحب للتجار ممكنة في أي وقت، بنجمعها على مدار الأسبوع، لكن السحب الفعلي بيتم يوم التلات.
• موعد انتهاء تقديم الطلبات: عشان تستلم فلوس السحب يوم التلات، قدم طلب السحب قبل يوم الأحد الساعة 5 مساءً. الطلبات اللي بعد الميعاد ده هتتحول ليوم التلات اللي بعده.
• تقدر دايمًا تراجع معاملات السحب من صفحة عمليات السحب.
  
  

"الدفع عند الاستلام المعلق" 

هنا تقدر تشوف كل التفاصيل عن مبلغ الدفع عند الاستلام للشحنات اللي اتسلمت. الطلبات المسلمة هتحتوي على (رقم الطلب - تاريخ التسليم - شركة الشحن - حالة الدفع عند الإستلام - مبلغ الدفع عند الإستلام - الرسوم - ضريبة القيمة المضافة - المبلغ اللي هيتحول - تاريخ التحويل المتوقع).

1. ملحوظة: لما حالة الشحنة تبقى "تم التسليم"، مبلغ الدفع عند الإستلام هينعكس في رصيد محفظتك بعد يوم عمل واحد.

ملحوظة: الدفع عند الإستلام عليه رسوم تحصيل 1% لو فوق 3000 جنيه. مثلا، لو الشحنة الدفع عند الإستلام بتاعها 3100 جنيه، رسوم التحصيل هتبقى 1 جنيه + 14% ضريبة القيمة المضافة، المجموع 1.14 جنيه.

1. "رصيد المحفظة":

1.  رصيد المحفظة بتاعك هيظهر دايمًا في أي مكان هتستخدمه زي (إصدار بوليصة الشحن - بدء طلب مواد التغليف) وبالتأكيد هيظهر دايمًا في صفحة المحفظة.
   
   
2. "تاريخ المعاملات": في صفحة المحفظة، تقدر تشوف كل المعاملات اللي حصلت على محفظتك زي ( إصدار بوليصة الشحن - طلب مواد التغليف - طلب سحب رصيد - إضافة رصيد - تحويل الدفع عند الإستلام المعلق لرصيد محفظتك).