اتبع الخطوات دي عشان تبدأ عملية شحن الطلب:
- من لوحة التحكم في متجرك على ويلت، اضغط على "الطلبات".
حالة الشحن المبدئية بتبقى "مطلوب بوليصة شحن". ده معناه إن الطلب ده عشان يتشحن، لازم تطلب رقم بوليصة الشحن(AWB). لو رقم البوليصة اتطلب بالفعل، حالة الشحن هتبقى "تم الإرسال" لشركة الشحن.
تقدر تطلب بوليصات شحن (AWB) لكل طلب لوحده أو بكميات كبيرة.
لكن إزاي؟
طلب بوليصة شحن فردية
عشان تطلب بوليصة شحن فردية، اضغط على الطلب، بعدين اضغط على "طلب بوليصة شحن" من قسم الشحن.
هيطلع إشعار بالمعلومات دي:
- "تاريخ الاستلام" ده التاريخ اللي شركة الشحن هتيجي تستلم فيه الشحنة منك. بشكل مبدئي، اليوم اللي بعده هيبقى متحدد.
- "مكان الاستلام" ده المكان اللي شركة الشحن هتيجي تستلم فيه الشحنة.
- في خانة "السماح بفتح الشحنة"، تقدر تختار لو حابب تسمح للمشتري إنه يفتح الشحنة قبل الدفع أو لا. الأساس، هو إن المشتري مش مسموح له يفتح الشحنة.
- في القسم ده، هيظهر رصيد المحفظة الحالي بتاعك.
- هنا، هيتم عرض رسوم الشحن بالتفصيل. سعر الشحن للمنطقة والوزن الإضافي (لو موجود) بالإضافة للإجمالي.
- لو عايز تكمل، اضغط على "إتمام الطلب". تكلفة الشحن هتتخصم من محفظتك، ورقم البوليصة (AWB) هيطلع. تقدر تدوس على "إلغاء" لو مش عايز تكمّل العملية.
طلب بوليصات شحن بكميات كبيرة
عشان تطلب بوليصات شحن لكذا طلب في نفس الوقت، اتبع الخطوات دي
روح على صفحة "الطلبات" عن طريق الضغط على "الطلبات" من القائمة
حدد الطلبات اللي عايز تطلب ليها بوليصات شحن جماعية عن طريق وضع علامة صح في المربع الصغير جنب الطلب، وبعدين اضغط على "طلب بوليصة شحن".
ملحوظة مهمّة: تقدر تختار الطلبات اللي موجهة لنفس شركة الشحن بس.
هيطلع إشعار بنفس البيانات زي الإشعار بتاع الطلب الفردي، والفرق الوحيد إنه هيعرض كذا طلب مع إمكانية إظهار تفاصيل كل طلب لوحده.
لو عايز تطلع البوليصات، اضغط على "طلب". بعد كده هيطلع إشعار عشان تطبع البوليصة.
بعد إصدار بوليصة الشحن (AWB)، فيه شوية حاجات مهم تعملها على مستوى الطلب
- طباعة البوليصة: لما تضغط عليها، البوليصة هتتحمل عشان تطبعها وتلزقها على الشحن.
التتبع: لو دوست عليه، هيفتحلك رابط متابعة عشان تعرف شحنتك فين دلوقتي.
إلغاء: لو عايز تلغي البوليصة، اضغط على "إلغاء"
ملحوظة: لو حالة الطلب لسه موصلش لمرحلة "تم الإستلام"، وعايز تلغي الشحنة، المبلغ هيترد بالكامل لما تلغي البوليصة. لو حالة الشحنة بقت "تم الاستلام"، الفلوس مش هتترد، وهيتم التعامل مع الشحنة كأنها شحنة عادي.
رقم تتبع الشحنة: تقدر تضغط عليه عشان تنسخه وتدخل على موقع شركة الشحن عشان تتابع شحنتك.
- "تواصل معنا! ": لو واجهتك أي مشكلة بخصوص الشحنة، اضغط عليها علشان توصلنا بشكل أسرع
هيطلع إشعار جديد تختار منه المشكلة اللي واجهتك وتكتب وصفها.
ملحوظة: أول ما تبعت بيانات المشكلة، هنرد عليك خلال 24 ساعة.
- محاولات التوصيل: دي بتعرض محاولات توصيل الشحنة. كل شركة ليها عدد معين من المحاولات قبل ما ترجع الشحنة لصاحب المتجر تلقائيًا. مثلًا، Aramex وMylerz بيوفروا 3 محاولات.
- الدواير الخضرا بتبين إن الطلب ده لسه عنده 3 محاولات متبقية للتوصيل. لما تخلص محاولات التوصيل، لون الدائرة الخضرا بيتحول للون الرمادي.
