إزاي تحسب تكلفة الشحنة بتاعتك

• عشان تعرف الوزن اللي هيتم بناءً عليه حساب التكلفة، لازم نقارن بين الوزن الفعلي والوزن الحجمي.
• الوزن الفعلي هو الوزن الحقيقي للشحنة زي ما هو على الميزان.
• الوزن الحجمي هو الوزن اللي بيتم حسابه بناءً على حجم الطرد باستخدام أبعاده (الطول × العرض × الارتفاع).
• علشان تحسب الوزن الحجمي، استخدم المعادلة دي:

الوزن الحجمي = (الطول × العرض × الارتفاع) ÷ 3000

•  القيمة الأكبر هي اللي هنستخدمها كوزن الشحنة اللي عليه الحساب.

ملحوظة: عملية الحساب بتتم بشكل أوتوماتيكي، هتستخدم المعادلة دي بس كزيادة للتأكيد مش أكتر!

مثال لحساب تكلفة الشحن بالظبط:

وزن الشحنة الفعلي: 2 كجم
حجم الطرد: 20 × 30 × 20 سم
سعر الشحن الأساسي: 69 جنيه (لحد 2 كجم)
سعر الوزن الإضافي: 3.4 جنيه لكل كجم إضافي

الخطوة 1: حساب الوزن الحجمي

الوزن الحجمي = 20 × 30 × 20 = 12,000 ÷ 3000 = 4 كجم

الخطوة 2: تحديد الوزن اللي عليه الحساب

بما إن الوزن الحجمي (4 كجم) أكبر من الوزن الفعلي (2 كجم)، هيتم الحساب على أساس 4 كج.

الخطوة 3: حساب تكلفة الشحن الإجمالية

• سعر الشحن الأساسي (لحد 2 كجم): 69 جنيه
• الوزن الإضافي (4 كجم - 2 كجم = 2 كجم): 2 كجم × 3.4 جنيه = 6.8 جنيه

إجمالي تكلفة الشحن:

إجمالي التكلفة = 69 جنيه + 6.8 جنيه = 75.8 جنيه